Diagnosefoute kos 'n vrou haar baba

'n Vrou is herhaaldelik huiswaarts gestuur vanaf 'n mediese fasiliteit in KwaZulu-Natal, met diagnoses van verskeie toestande – behalwe die een wat haar babadogtertjie se lewe kon red. Nuusflits berig die mediese fasiliteit wat sy besoek het, kon nie vasstel dat sy swanger was nie, en tydens haar laaste besoek is sy glo verkeerdelik met 'n breuk gediagnoseer. Amawele Emergency Services is ontbied, waar hulle die vrou in 'n plas bloed aangetref het met haar babadogtertjie wat langs haar gelê het, steeds aan die naelstring verbind. Die dogtertjie het tydens geboorte haar kop ernstig beseer en is deur mediese personeel op die toneel dood verklaar. Terwyl die vrou vir skok behandel is, is die pa deur Amawele-paramedici onder toesig na 'n hospitaal geneem.