Die 2025-belastingseisoen is nou oop

Saamgestel deur Armando Pieters
Jul 22, 2025
1 min read

Die 2025-belastingseisoen is nou oop.

Die Suid-Afrikaanse Inkomstediens (SAID) het op X bevestig opgawes kan van Maandag af tot en met 20 Oktober op die agentskap se digitale platforms ingedien word.

Die SAID voeg by die outo-assesseringsperiode wat verlede week begin het, is nou voltooi, met meer as 5,8 miljoen belastingbetalers wat so geassesseer is.

SAID-woordvoerder Siphithi Sibeko sê 99,6% van dié belastingbetalers het nie hul assesserings bevraagteken nie. Hy voeg by dié wat dit wel wil verander, kan so op die digitale platforms doen.