Die DA vra 'n dringende ondersoek na die oordrag van die Parlement se herbouprojek
- Saamgestel deur Armando Pieters
- Aug 2
- 1 min read
Die DA eis 'n dringende parlementêre ondersoek na die besluit om die herbouprojek van die Nasionale Vergadering aan die Ontwikkelingsbank van Suider-Afrika oor te dra.
Volgens Maroela Media volg die oproep nadat die Minister van Openbare Werke en Infrastruktuur, Dean Macpherson, aangekondig het dat sy departement geen bewyse kon vind dat die herbouprojek wettiglik aan die parlement oorgedra is nie.
Die DA sê die besluit wek ernstige kommer oor deursigtigheid, aanspreeklikheid en die behoorlike gebruik van openbare geld.
Die party wil hê die Parlement se Staande Komitee oor Openbare Werke moet ondersoek instel na die redes vir die oordrag, asook die moontlike finansiële en regsimplikasies daarvan.
Die DA voer aan dat die publiek duidelike antwoorde verdien oor waarom die verantwoordelikheid vir die projek verskuif is en hoe die besluit die voltooiing van die herbouwerk sal beïnvloed.
Die party sê die Parlement moet toesien dat die proses deursigtig en verantwoordbaar bly.
Comments