Die hersiene isiXhosa Bybel is aan die Bybelgenootskap oorhandig

Saamgestel deur Ilde Roos
Apr 30
1 min read

Die Pan-Suid-Afrikaanse Taalraad (PanSALB) sê die hersiene isiXhosa Bybel is amptelik aan die drukkersafdeling van die Bybelgenootskap van Suid-Afrika oorhandig.

PanSALB se Ntombentle Huluhulu sê in ‘n verklaring hul organisasie, in samewerking met die isiXhosa Bybelhersieningskomitee van die Bybelgenootskap van Suid-Afrika, het die hersiene Bybel oorhandig.

Huluhulu sê die Bybelhersiening vorm deel van PanSALB se voortgesette verbintenis om veeltaligheid en die ontwikkeling en gebruik van amptelike tale in die land te beskerm en te bevorder. Volgens Huluhulu is dit ‘n belangrike mylpaal om die rol van die spelling- en ortografiereëls van isiXhosa as die leidende amptelike en gestandaardiseerde instrument vir amptelike skryfwerk te kommunikeer.

PanSALB het opgemerk dat die Bybel dieselfde dokument is wat die eerste isiXhosa-ortografie gevestig en deurgaans ontwikkel het.