Die Lourierpark-saak is met koste van die hand gewys

Saamgestel deur Ilde Roos

Jun 5

1 min read

Updated: Jun 8

Die Vrystaatse Hooggeregshof het die Lourierpark-saak, wat die DA teen die Mangaung Metropolitaanse Munisipaliteit gebring het, met koste van die hand gewys.

Dit beteken die Bodulo Mothong hervestigings- en grondtoewysingsprogram kan voortgaan met sy werk om behuisingsgeleenthede aan kwesbare inwoners en kwalifiserende begunstigdes regoor Mangaung te bied.

Volgens 'n plasing op die metro se Facebook-blad sê raadslid Nombulelo Sitoe die uitspraak verteenwoordig ’n oorwinning vir kwesbare inwoners wat voordeel sal trek uit die voortgesette implementering van die program.

Sy sê dit is ’n oorwinning vir Mangaung, en ’n lang stryd vir inwoners wat steeds met behuisingsuitdagings worstel. Sy sê hulle het dit vir die inwoners van Mangaung gedoen, en is verheug dat die program kan voortgaan om gemeenskappe te dien.

Rosestad-nuus het vroeër berig die uitvoerende burgemeester van die Mangaung Metro Munisipaliteit, Gregory Nthatisi, meen die DA se hofaansoek oor die grondvoorbereidingsprojek langs Lourierpark gaan oor politieke beheer.