Die Maselspoort-wateraanleg word vir instandhouding afgeskakel

Die Maselspoort-waterbehandelingsaanleg word Donderdag, 22 Oktober, vir sowat 24 uur afgeskakel vir inspeksie- en skoonmaakwerk.

Volgens ’n kennisgewing van die Mangaung Metro Munisipaliteit is die werk daarop gemik om verkleuring van die water aan te spreek en die aanleg se werking te verbeter.

Die munisipaliteit sê die watergehaltetoetse dui daarop dat die water steeds veilig is om te drink. Verdere toetse en monitering sal voortgaan.

Watertoevoer sal na verwagting gedurende die werk voortgaan, maar inwoners word versoek om water spaarsamig te gebruik.

Ter illustrasie. FOTO: Wix