’n Bejaarde Vrystater se vermeende moordenaars verskyn eers in 2027 weer in die hof

Twee mans wat aangekla word van die moord op ’n 72-jarige Vrystater, sal eers op 14 April volgende jaar weer in die hof verskyn.

Volgens Parys Gazette is Kenny Browne in Maart 2024 in sy huis in Parys vermoor. Hy is met ’n plastieksak versmoor en sy selfoon, beursie, gasbottel en skootrekenaar is gesteel.

Die beskuldigdes is kort ná die moord in hegtenis geneem en bly in aanhouding nadat borgtog geweier is.

Browne was ’n geliefde lid van die Metodistekerk in Parys, waar hy as lekeprediker en met die reëlings vir eredienste betrokke was.

Kenny Browne. FOTO: Parys Gazette