Die Menseregtekommissie ondersoek toestande by ‘n Vrystaatse kompleks
- Saamgestel deur Nadia Pieters
- Apr 21
- 1 min read
Die Suid-Afrikaanse Menseregtekommissie ondersoek klagtes van inwoners by die Merriespruit-kompleks in Virginia.
Volgens SABC News dui voorlopige bevindings daarop dat inwoners aan onhigiëniese toestande blootgestel is weens rioolstortings.
Die waarnemende provinsiale bestuurder, Thonoko Modise, sê toegang tot basiese dienste soos water en elektrisiteit is ook ’n probleem, wat inwoners se daaglikse lewe en kinders se skoolwerk beïnvloed.
Die kommissie waarsku dat regstappe oorweeg kan word indien die Matjhabeng Plaaslike Munisipaliteit nie op aanbevelings reageer nie.
Die Vrystaatse munisipaliteit hou egter vol dat sommige dienste weens wanbetaling afgesny is.
Woordvoerder Tseliso Tlali sê ’n gebrek aan formele huurooreenkomste bemoeilik fakturering en plaas finansiële druk op die munisipaliteit.
Comments