Die minister van Polisie se uitspraak oor grondgrype word bevraagteken

Die burgerregte organisasie AfriForum is van mening dat die minister van Polisie, Senzo Mchunu, besig is met woordspeletjies om die waarheid rakende grondgrype in Suid-Afrika te probeer verdraai. Dit is in reaksie op Vrydag se bekendstelling van die misdaadstatistiek. Volgens AfriForum se hoofwoordvoerder vir Gemeenskapsveiligheid, Jacques Broodryk, het minister Mchunu die onreg rakende grondgrype wat in landelike gebiede plaasvind misken deur ’n onderskeid te probeer tref tussen grondgrype en grondbesetting. Hy sê die minister se pogings om die voorkoms van grondgrype in Suid-Afrika weg te praat, strook nie met die realiteit nie.