Die Nasionale Vervolgingsgesag gaan leefstyloudits in ’n gefaseerde proses instel

Die Nasionale Vervolgingsgesag gaan leefstyloudits vir sy amptenare in ’n gefaseerde proses instel.

Die nasionale direkteur van openbare vervolging, advokaat Andy Mothibi, sê die proses sal begin by uitvoerende en senior bestuurslede voordat dit na ander amptenare uitgebrei word, veral dié in hoërisiko-rolle.

Die stap volg op ’n oproep deur die minister van Justisie, Mmamoloko Kubayi, dat instellings in die justisie- en sekuriteitskluster aanspreeklikheid moet versterk.

Mothibi sê die oudits moet verseker dat amptenare se inkomste met hul leefstyl ooreenstem en vertroue in die Nasionale Vervolgingsgesag versterk.

NVG. FOTO: PSAM