Die polisie deursoek Senzo Mchunu se huis

Die polisie het die private woning van die geskorste minister van Polisie, Senzo Mchunu, in KwaZulu-Natal deursoek en op elektroniese toestelle beslag gelê.

Volgens die polisie vorm dit deel van ’n normale ondersoekproses na sake van dwarsboming van die gereg en bedrog.

Die sake is verlede jaar by die Durban-Sentraal-polisiekantoor aanhangig gemaak.

Mchunu is sedert Julie verlede jaar met spesiale verlof nadat hy verbind is met bewerings van politieke inmenging binne die polisie.

Die polisie sê die ondersoek is steeds aan die gang.

Senzo Mchunu. FOTO: EWN