Die polisie ondersoek drie vrouemoorde in Bfn
- Saamgestel deur Nadia Pieters
- Feb 8
- 1 min read
Updated: Feb 9
Die polisie doen ‘n dringende beroep om hulp ná die ontdekking van drie vermoorde vroue in Bloemfontein.
Volgens ‘n mediaverklaring is twee onbekende vroue vroeg Saterdagoggend tydens roetine-patrollies in Namibia Square aangetref.
Albei slagoffers, na raming in hul laat twintigs, is met noodlottige skietwonde aan die agterkant van die kop gevind en op die toneel dood verklaar.
Die voorval volg op ’n vroeëre ontdekking langs Meadowsweg, waar die liggaam van ’n onbekende vrou in haar middel-dertigs met soortgelyke skietwonde gevind is.
Die identiteite van al drie slagoffers is steeds onbekend en niemand is nog in hegtenis geneem nie.
Die polisie ondersoek die motief en vra enigiemand met inligting om dringend na vore te kom.
Comments