Die Polisie waarsku teen KI-foto’s met polisie-uniforms
Die polisie in die Vrystaat waarsku mense om twee keer te dink voordat hulle kunsmatige intelligensie (KI) gebruik om foto’s van hulself in ’n polisie-uniform te skep of te laat lyk asof hulle gearresteer word.
Volgens ‘n mediaverklaring kan sulke KI-foto’s maklik vir regte foto’s aangesien word en ernstige gevolge hê indien dit gebruik word om mense te mislei.
Dit is ’n misdaad om jouself valslik as ’n polisiebeampte voor te doen, terwyl die ongemagtigde gebruik van polisie-uniforms, kentekens en embleme ook gereguleer word.
Die polisie waarsku dat ’n KI-foto waarop iemand glo gearresteer word, mense valslik kan laat dink dié persoon was by misdaad betrokke.
Die blote skep van ’n KI-foto is volgens die polisie nie outomaties ’n misdaad nie. Hoe dit gebruik word en of dit bedoel is om mense te mislei, is belangrik.
Comments