Die Polisiediens staar miljarde rande se siviele eise in die gesig

Die Suid-Afrikaanse Polisiediens staar siviele eise van meer as R14 miljard in die gesig vir onwettige arrestasies en aanhoudings. Daar is ook eise van R741 miljoen vir skietvoorvalle met lede van die publiek. Die syfers, wat in ’n parlementêre antwoord deur die Ministerie van Polisie onthul is, dek meer as 15 000 voorvalle in die 2023/24-boekjaar. Dit is eise wat ingedien is, nie bedrae wat reeds betaal is nie. Die staat het reeds R466 miljoen uitbetaal vir onwettige aanhoudings en R62 miljoen vir 180 skietvoorvalle.