Die polisiekorrupsieverslag vorder stadig
- Saamgestel deur Nadia Pieters
- 1 hour ago
- 1 min read
Die parlement se ad hoc-komitee wat bewerings van polisiekorrupsie ondersoek, het Maandagaand stadig met sy konsepverslag gevorder.
Die komitee het maande lank getuienis aangehoor wat voortgespruit het uit bewerings deur KwaZulu-Natal se polisiekommissaris, luitenant-generaal Nhlanhla Mkhwanazi.
Volgens die komitee se voorsitter, Soviet Lekganyane, was Maandag se twee uur lange sitting tot dusver die een waarop die minste vordering gemaak is, met lede wat slegs 12 bladsye van die konsepverslag deurgewerk het.
LUISTER HIER:
260825nSoviet-Lekganyane_report
Die komitee sal na verwagting teen die middel van volgende maand sy werk afhandel en sy bevindings aan die Nasionale Vergadering voorlê.
Comments