Die poskantoor kry moontlik ‘n nuwe eksklusiewe lisensie
- Saamgestel deur Nadia Pieters
- Mar 25
- 1 min read
Die Suid-Afrikaanse Poskantoor kan moontlik weer ’n eksklusiewe lisensie kry vir sekere posdienste.
Volgens die Onafhanklike Kommunikasie-owerheid, Okosa, is hulle tans besig om ’n proses te ontwikkel om die lisensie te hernu.
Die poskantoor se vorige lisensie het reeds aan die einde van Maart verlede jaar verval.
Intussen het die instelling ook aansoek gedoen om die lisensie met nog 25 jaar te verleng. Dit ondanks aanhoudende finansiële uitdagings.
Histories het die lisensie die poskantoor alleenreg gegee op dienste soos die aflewering van briewe en posseëls.
Die regering het egter reeds sommige van dié eksklusiewe regte, soos klein pakkie-aflewering, verslap.
Comments