Die premier swyg oor die Valke se junior-aanstelling om haar te ondersoek

Saamgestel deur Ilde Roos
44 minutes ago
1 min read

Die kantoor van die Vrystaatse premier sê dit sal onvanpas wees om kommentaar te lewer oor interne prosesse rakende die aanstelling of verwydering van ondersoekbeamptes van die Valke.

Netwerk24 berig dit was premier MaQueen Letsoha-Mathae se reaksie op berigte dat die Valke ná twee jaar ’n junior ondersoekbeampte aangewys het om klagte van korrupsie teen haar te ondersoek.

Rosestad-nuus het vroeër berig die senior ondersoeker wat vervang is, word intussen self intern ondersoek, hoewel die aard van die ondersoek nie bekend gemaak is nie.

Letsoha-Mathae se woordvoerder, Mpho Sikisi, sê die premier bly verbind tot die onafhanklikheid van wetstoepassingsagentskappe en behoorlike regsprosesse.