Die produksie van slangteengif is hervat

Saamgestel deur Nadia Pieters
Nov 6
1 min read

Na daar reeds langer as ‘n jaar ‘n tekort aan teenmiddels in Suid-Afrika is, is die produksie van slangteengif hervat.

Die tekort is weens probleme soos kragvoorsiening en opgraderings wat die land se enigste teengifproduksie-aanleg ondervind het.

Volgens Landbouweekblad het die nasionale gesondheidslaboratoriumdiens aangekondig dat die eerste 536 dosisse polivalente teenmiddel in September vervaardig en reeds versprei is.

Boomslang-, spinnekop- en skerpioenteengif sal ook binnekort vervaardig word. Volgens die Afrika-instituut vir slangbyte is daar jaarliks sowat 4 000 slangbyt-voorvalle in Suid-Afrika.

Van dié het sowat 900 slagoffers in die hospitaal beland.

Slegs 3% van die slagoffers van slangbyte benodig teengif-behandeling, maar hulle kan sterf indien hulle dit nie ontvang nie.