'Die R59-pad moet reg wees voor NAMPO'
- Saamgestel deur Nadia Pieters
- Mar 7
- 1 min read
Updated: Mar 9
Daar is nuwe oproepe dat die R59 tussen Vredefort en Viljoenskroon dringend herstel moet word voor die NAMPO Oesdag-geleentheid in Mei.
Die pad is ’n belangrike roete vir landboubedrywighede in die streek en word daagliks tydens die oesseisoen gebruik om groot hoeveelhede graan na silo’s te vervoer.
Daar is egter toenemende kommer oor die verswakkende toestand van die pad, wat volgens berigte ook druk op boere, besighede en padgebruikers plaas.
Intussen is daar onsekerheid oor wie uiteindelik vir die pad verantwoordelik is, nadat daar aangedui is dat SANRAL moontlik die pad se beheer kan oorneem.
Die Demokratiese Alliansie sê hy het intussen aan SANRAL en die Vrystaatse LUR vir gemeenskapsveiligheid, paaie en vervoer geskryf en dring aan op dringende herstelwerk aan die roete.
Comments