Die regering veroordeel bewerings van 'n politikus se seksuele oortredings

Saamgestel deur Ilde Roos
Apr 25
1 min read

Die Departement van Vroue, Jeug en Persone met Gestremdhede veroordeel ernstige bewerings van seksuele oortredings en mensehandel teen ‘n Wes-Kaapse politikus.

Die provinsiale parlementslid, wie se naam nog nie bekend gemaak kan word totdat hy formeel pleit nie, is borgtog van R15 000 toegestaan. Hy staan tereg op aanklagte van mensehandel, verkragting en seksuele uitbuiting van kinders.

Die departement se woordvoerder, Cassius Selala, sê niemand, ongeag status of posisie, moet bokant die wet wees nie, veral in gevalle waar die uitbuiting en mishandeling van vroue en kinders betrokke is.