Die reënseisoen bring verligting én weerlig vir Bloemfonteiners

Saamgestel deur Nadia Pieters
3 hours ago
1 min read

Met die reënseisoen wat nou begin, bring donderstorms verligting van die hitte, maar ook ’n ernstige gevaar: weerlig.

Suid-Afrika is een van die lande met die meeste weerligaktiwiteit ter wêreld, en dele van die Vrystaat, insluitend Bloemfontein, bly ’n hoërisikogebied.

Die Mangaung Brandweer en Reddingsdienste waarsku Bloemfonteiners op sosiale media teen die gevare.

Weerlig eis jaarliks talle lewens, met mense wat dikwels buite tydens storms betrap word.

Mense word aangeraai om onmiddellik binnenshuis te beweeg wanneer donderweer gehoor word en om oop ruimtes, losstaande bome en waterbronne te vermy.

Hulle raai ook mense aan om sodra donderweer gehoor word, onmiddellik binnenshuis te beweeg en minstens 30 minute ná die laaste donderklap daar te bly.