Die SRD-toelaag is steeds onder die vergrootglas

Die Good-party wil hê die Nasionale Tesourie moet sy appèl teen 'n hofuitspraak oor die maatskaplike noodverligtingstoelaag, oftewel die SRD-toelaag, terugtrek.

Die Gauteng-hooggeregshof het verlede jaar beslis dat sommige van die regulasies wat die maandelikse toelaag van R370 beheer, ongrondwetlik en ongeldig is.

Die hof het die regering ook gelas om toegang tot die toelaag uit te brei.

Volgens die Tesourie kan die uitspraak die regering sowat R93,5 miljard per jaar kos.

Good se Brett Herron sê die regering moet nou 'n geloofwaardige en befondsde pad na 'n permanente Basiese Inkomstetoelaag uiteensit.

Ter illustrasie. FOTO: Wix