Die Wysigingswetsontwerp oor onwettige uitsettings is vir openbare kommentaar gepubliseer

Saamgestel deur Ilde Roos
Apr 17
1 min read

Die regering het die Wysigingswetsontwerp op die Wet op die Voorkoming van Onwettige Uitsettings vir openbare kommentaar gepubliseer, met die doel om onwettige grondbesettings sterker te bekamp.

Die minister van menslike nedersettings, Thembi Simelane, sê die wetsontwerp sal die wet makliker maak om toe te pas en mense te teiken wat onwettige besettings aanhits of organiseer.

Strawwe van tot R2 miljoen of tronkstraf word voorgestel. Die voorstelle gee ook meer magte aan munisipaliteite en mik om lang hofprosesse te verkort.

Openbare kommentaar is vir 60 dae oop, met konsultasies wat in Mei begin.