Dienste by Pelonomi en Universitas gaan soos normaalweg voort

Nie net sal dienste by beide die Pelonomi en Universitas Hospitale in Bloemfontein normaalweg voortgaan nie, die privaat-openbare vennootskap is ook veilig en operasioneel.

Dit volgens ‘n mediaverklaring van die Vrystaatse Departement van Gesondheid.

‘n 23-jaar oue vennootskap tussen die gesondheidsdepartement en Netcare, wat einde November tot ‘n einde sou kom, se kontrak is met twee jaar hernu.

Tydens die vennootskap is Pelonomi se nood- en traumafasiliteite opgegradeer, en het dokters deurlopend opleiding ontvang.

Intussen werk die departement nou saam met die Nasionale Tesourie en Departement van Gesondheid om ‘n langtermyn plan te finaliseer.

FOTO: PlacementPal