Ed Sheeran se ondersteuningslys val uitmekaar
Die Britse popsanger Ed Sheeran het nou al die kunstenaars verloor wat as ondersteuningsoptredes vir sy komende konserte sou optree. Dit nadat die rapper Macklemore uit die reeks verwyder is weens sy pro-Palestynse uitsprake.
Finneas, Aaron Rowe, Beoga en Lukas Graham het almal aan die konserte onttrek uit protes teen Macklemore se verwydering.
Die twis het ontstaan nadat Macklemore, wie se regte naam Ben Haggerty is, vroeër vandeesmaand saam met Sheeran se Loop-toer in New Jersey opgetree het.
Hy het voor die vertoning vir die gehoor gesê “Free Palestine” en daarna sy proteslied Hind’s Hall, wat oor die oorlog in Gaza handel, uitgevoer.
Macklemore het later gesê hy is van die oorblywende konserte verwyder nadat verskeie lokale beswaar gemaak het teen sy deelname.
Volgens RT News het Macklemore die 85-jarige Joodse miljardêr en eienaar van die New England Patriots, Robert Kraft, daarvan beskuldig dat hy druk uitgeoefen het om hom van die toer te verwyder.
Sheeran sê die besluit om Macklemore te verwyder was nie syne nie.
Comments