Eskom rapporteer wins van R30-miljard

Eskom het vir die tweede agtereenvolgende jaar ’n wins aangeteken, met die groep se wins ná belasting wat meer as verdubbel het tot R30.3 miljard vir die finansiële jaar tot einde Maart 2026.

Die kragverskaffer sê verbeterde beskikbaarheid van kragstasies, strenger kostebeheer en minder dieselverbruik het tot die ommekeer bygedra.

Eskom sê sy bedryfswinsmarge, voordat rente, belasting en sekere waardeverminderingskoste afgetrek word, het tot 30.3% gestyg.

Volgens Eskom sal die verbeterde finansiële posisie hom in staat stel om winste weer in die instandhouding en uitbreiding van kritieke elektrisiteitsinfrastruktuur te belê.

Ter illustrasie. FOTO: Biznews