Eskom waarsku dat munisipale skuld kragvoorsiening bedreig

Saamgestel deur Armando Pieters
Nov 23
1 min read

Eskom sê stygende munisipale skuld en voortgesette lasverminderingsmaatreëls kan die vordering wat onder die nasionale skuldverligtingsprogram gemaak is, ongedaan maak.

Dit kan verder elektrisiteitstabiliteit en die ekonomie in gevaar stel.

Volgens die nutsmaatskappy het munisipale skuld die hoogte ingeskiet van R20-miljard in 2019 tot ‘n verstommende R105-miljard in September hierdie jaar.

Dit verteenwoordig die grootste deel van Eskom se totale R108-miljard se agterstallige skuld.