Eskom waarsku teen prysverhogings
- Saamgestel deur Nadia Pieters
- Feb 26
- 1 min read
Elektrisiteitstariewe kan moontlik styg indien Eskom verplig word om nuwe besoedelingsbeheer-tegnologie by die Medupi-kragstasie te installeer.
Volgens die kragvoorsiener se konsep-koste-voordeelstudie kan die opgradering sowat R383 miljard oor die aanleg se leeftyd kos.
Eskom sê hoewel die tegnologie swaeldioksiedvrystellings aansienlik sal verminder, is die beraamde gesondheidsvoordele steeds laer as die installasie- en bedryfskoste.
Die nutsmaatskappy voeg by dat die koste uiteindelik deur elektrisiteitspryse verhaal sal moet word.
Comments