Geen datum is nog verskaf vir Roelf Meyer se vertrek na Washington

Saamgestel deur Ilde Roos
Apr 20
1 min read

Nóg die regering nóg Dirco kan sê wanneer Suid-Afrika se nuwe ambassadeur in die VSA, Roelf Meyer, na Washington sal vertrek nie.

President Cyril Ramaphosa se woordvoerder, Vincent Magwenya, het aan Maroela Media gesê daar is ŉ administratiewe proses wat aan die VSA se kant voltooi moet word. Die adjunk-direkteur-generaal van openbare diplomasie by Dirco, Clayson Monyela, sê ook dit is nog vroeg in die dag.

Rosestad-nuus het vroeër berig Meyer is verlede week as Suid-Afrika se nuwe ambassadeur in die VSA aangewys. Die aanstelling is sedertdien vanuit sekere oorde verwelkom en uit ander veroordeel.