Geslagsgebaseerde geweld is amptelik ’n nasionale ramp
- Saamgestel deur Armando Pieters
- Nov 22
- 1 min read
Die Suid-Afrikaanse regering het amptelik geslagsgebaseerde geweld en die moord op vroue (GBVF) tot ’n nasionale ramp van die Rampbestuurswet verklaar.
Die besluit volg op ’n herevaluering deur die Nasionale Rampbestuursentrum, wat bevind het dat GBVF nou aan die wetlike vereistes van ’n ramp voldoen weens voortdurende en onmiddellike lewensgevare.
Minister van Samewerkende Regering, Velenkosini Hlabisa, sê die stap sal die samewerking tussen regeringsdepartemente versterk — insluitend polisiedienste, gesondheid, justisie en maatskaplike dienste.
Die verklaring aktiveer nie noodbevoegdhede nie, maar doen ’n beroep op alle sektore — regering, gemeenskappe en individue — om voorkoming en risikovermindering te verskerp.
Rosestad Nuus het vroeër berig van ‘n groep vroue van Bloemfontein wat Vrydag om 12-uur vir 15 minute saam gaan lê het ter ere van die 15 vroue wat elke dag in Suid-Afrika vermoor word.
Comments