Gespesialiseerde spanne is na ‘n Rustenburg-myn ontplooi

Saamgestel deur Nadia Pieters
1 day ago
1 min read

Die waarnemende nasionale polisiekommissaris, luitenant-generaal Puleng Dimpane, het bykomende gespesialiseerde spanne na Rustenburg in Noordwes ontplooi.

Die spanne sal reddings-, herwinnings- en ondersoekoperasies by ’n ongebruikte myn versterk, waar 14 vermeende zama-zamas vroeër vandeesweek oorlede is.

Agt oorlewendes is op die toneel gevind.

Reëlings duur voort om die oorledenes te identifiseer en nadoodse ondersoeke uit te voer.

’n Polisiewoordvoerder, generaal-majoor Nonkululeko Phokane, sê hulle werk saam met relevante belanghebbendes om die omstandighede rondom die voorval vas te stel.