Glen-kinders: Klein Onkarabetse se liggaam is gevind
- Saamgestel deur Ilde Roos
- Nov 13
- 1 min read
Die lewelose liggaam van die vyfjarige Onkarabetse Leeu is gevind.
Rosestad-nuus het vroeër berig die seuntjie is Saterdag deur sy ma as vermis aangemeld.
Volgens 'n polisieverklaring van luitenant-kolonel Thabo Covane is hy Woensdag onder 'n kartondoos in digte bosse by die suidelike wyke van die Glen-lokasie gekry.
'n Saak van moord en ontvoering is by die Glen-polisiestasie aanhangig gemaak. Die polisie het ook Onkarabetse se 29-jarige tannie in hegtenis geneem, en sy sal binnekort in die Bloemfonteinse landdroshof verskyn.
Comments