Godongwana sê kies: hoër brandstofpryse of meer belasting
Die minister van Finansies, Enoch Godongwana, sê die regering kan nie verbruikers teen stygende brandstofpryse beskerm nie en dat enige ingryping deur die Nasionale Tesourie uiteindelik belastingbetalers of die ekonomie harder sal tref.
Hy sê tussen stygende wêreldwye oliepryse en die uitwerking daarvan op petrol- en dieselpryse, is daar min tot geen beweegruimte vir die Tesourie nie.
Business Tech berig Godongwana sê om brandstofprysverhogings permanent deur die begroting te absorbeer, sal uiteindelik die koste na belastingbetalers verskuif of staatslenings verhoog.
Hoewel toekomstige ingryping nie uitgesluit is nie, het Godongwana dit duidelik gemaak dat die begroting nie daarop ingestel is om slegs hierdie een probleem aan te spreek nie.
Comments