Groen ID-boeke word eersdaags nie meer vervaardig nie
Die vervaardiging van die groen Suid-Afrikaanse ID-boekie sal op 31 Maart 2027 gestaak word.
Die minister van Binnelandse Sake, Leon Schreiber, het Donderdag gesê die voortgesette gebruik van die groen ID-boek is onversoenbaar met die werking van ’n moderne samelewing.
The Citizen berig die minister het die groen ID-boek beskryf as een van die dokumente op die vasteland wat die meeste aan bedrog onderwerp word, en gesê dit is ’n magneet vir identiteitsdiefstal en onwettige immigrasie.
Hy sê die uitbreiding van Smart ID-kaarte en die nuwe Digitale ID-stelsel sal uiteindelik aan elke Suid-Afrikaner veilige bewys van identiteit bied.
Volgens die regering se webtuiste sal Suid-Afrikaners wat steeds die groen ID-boekie het, 'n verdere 12 maande hê om oor te skakel na die Slim ID-kaarte.
Comments