Hlabisa publiseer ‘n hersiene konsep-witskrif oor plaaslike regering

Saamgestel deur Jana Roos
May 8
1 min read

Die minister van samewerkende regering en tradisionele sake, Velenkosini Hlabisa, het die hersiene konsep-witskrif oor plaaslike regering vir openbare kommentaar gepubliseer.

Hlabisa sê die hersiening is nodig om te verseker dat plaaslike regering steeds reageer op burgers se veranderende behoeftes. Die voorstel volg op uitgebreide konsultasies met gemeenskappe, die burgerlike samelewing, tradisionele leiers, akademici en ander belanghebbendes sedert verlede jaar.

Die hersiening is daarop gemik om plaaslike regering te moderniseer, aanspreeklikheid te versterk, finansiële volhoubaarheid te verbeter en dienslewering te versnel. Die minister se departement sê lede van die publiek het tot 28 Mei om skriftelike kommentaar in te dien.