Honderde duisende doen aansoek om SAPD-leerlingposte
11 minutes ago
1 min read
Meer as 300 000 mense het reeds geregistreer om vir die jongste Suid-Afrikaanse Polisiediens-opleidingsposte aansoek te doen.
Die regering werf tans 5 500 nuwe polisieleerlinge. Meer as 172 000 aansoeke is reeds volledig ingevul en deur die eRecruitment-portaal ingedien.
Die sluitingsdatum vir aansoeke is 13 November.
Volgens polisiewoordvoerder Amanda van Wyk het die meeste aansoeke uit Gauteng gekom.
Alle Suid-Afrikaners jonger as 35 jaar oud - ongeag ras of geslag - wat aan die vereistes voldoen en wat 'n loopbaan in polisiëring wil volg, word genooi om aansoek te doen.
Rosestad-nuus het vroeër berig dat 150 000 van dié aansoeke binne minder as 24 uur ontvang is.
Comments