Huldeblyke stroom steeds in vir ‘n geliefde Vrystaatse boervrou
- Saamgestel deur Nadia Pieters
- Nov 3
- 1 min read
Die 74-jarige boervrou, Tharina Terblance, se dood het nie net haar familie nie, maar ook talle in die landbougemeenskap geruk.
Huldeblyke stroom steeds in vir die vrou wat haar naam met harde werk, geloof en durf in die Vrystaatse grond ingeploeg het.
Maroela Media berig Terblance is verlede week oorlede nadat sy vroeër begin siek voel het.
Volgens haar familie het sy toe ʼn hartklepoperasie ondergaan, maar dit was nie suksesvol nie.
ʼn Boerdery wat in 1987 op 1 200 ha begin het, het onder haar hande tot meer as 7 500 ha gegroei.
Sy het dikwels gesê “ʼn hoekpaal is net so sterk soos sy stutte” en het dié lewensfilosofie gevolg deur haarself altyd met kundiges te omring.
Comments