Itac beveel geen verhoging van belasting op papierprodukte aan nie

Die Internasionale Handelsadministrasiekommissie (Itac) het geen verhoging in doeaneregte op sekere onbedekte papier- en kartonprodukte aanbeveel nie.

Die produkte word hoofsaaklik gebruik vir kantoordrukwerk, kopiëring en omskakeling.

Itac sê dat hulle mark- en handelsinligting, invoerdata, produksie- en indiensnemingstendense en Suid-Afrika se internasionale handelsverpligtinge oorweeg het.

Die minister van Handel en Nywerheid, Parks Tau, het die aanbeveling goedgekeur.

Hy het Itac ook gevra om 'n sektorwye ondersoek na die papier- en papierproduktebedryf te doen en maatreëls aan te beveel om die volhoubaarheid en veerkragtigheid daarvan te ondersteun.

Ter illustrasie. FOTO: Wix