KI kan binnekort ernstige mediese toestande ure vooruit voorspel

'n Kunsmatige intelligensie (KI)-model wat ernstige mediese toestande ure voordat dit ontwikkel kan voorspel, kan binnekort in Suid-Afrika gebruik word.

Die stelsel wag nog op goedkeuring nadat dit ná 'n suksesvolle kliniese studie by die Suid-Afrikaanse Gesondheidsprodukteraad ingedien is.

Die tegnologie sal intensiewesorgpasiënte monitor en kan onder meer die risiko van hart- of asemhalingsversaking, sepsis, infeksies en abnormale hartritmes vroeg identifiseer.

Netcare het aan News24 gesê hulle hoop om die stelsel binne die volgende drie tot ses maande in werking te stel en sê pasiëntveiligheid bly die kern van die ontwikkeling.

Ter illustrasie. FOTO: Unsplash