Klassieke Suid-Afrikaanse boeke kry ’n nuwe lewe
- Saamgestel deur Nadia Pieters
- 2 days ago
- 1 min read
Drie klassieke boeke wat Suid-Afrika se literêre erfenis vir meer as ’n eeu help vorm het, kry nuwe lewe.
Die boeke is Jock of the Bushveld deur Sir Percy FitzPatrick, The Story of an African Farm deur Olive Schreiner en Mhudi deur Sol T. Plaatje.
Volgens ’n berig deur Polity word die drie titels onder Jonathan Ball Publishers se bekende Ad Donker-druknaam heruitgegee.
Jock of the Bushveld, wat oorspronklik in 1907 verskyn het, vertel die verhaal van FitzPatrick en sy lojale hond, Jock, tydens die goudstormloop van die 1880's. Schreiner se The Story of an African Farm is in 1883 gepubliseer, terwyl Mhudi in 1930 verskyn het en beskou word as die eerste Engelse roman deur ’n swart Suid-Afrikaner.
Plaatje is naby Boshof in die Vrystaat gebore.
Die uitgewers hoop hierdie klassieke werke sal nou deur ’n splinternuwe geslag lesers ontdek word.
Comments