Liebenberg: Mashatile se diamant moet ondersoek word
- Saamgestel deur Ilde Roos
- 2 hours ago
- 1 min read
Die diamant wat die omstrede diamanthandelaar Louis Liebenberg aan adjunkpresident Paul Mashatile se vrou gegee het, moet deur die parlementêre komitee oor die presidensie ondersoek word. ʼn Skriftelike versoek tot dien effek is aan die speaker van die Nasionale Vergadering gerig.
Mashatile is vroeër skuldig bevind dat hy nie die diamant, glo ʼn geskenk wat aan sy vrou gegee is, verklaar het nie. Die etiekkomitee het Mashatile vir dié versuim met R10 000 beboet.
Maroela Media berig verder daar is egter steeds talle vrae onbeantwoord, wat nie deur ander parlementêre meganismes beantwoord kan word nie. Dit sluit in die presiese oorsprong van die vriendskap tussen Liebenberg en die Mashatile en sy vrou; die oorsprong, aard en waarde van die diamant; en Liebenberg se motivering om die diamant aan Mashatile se vrou te gee en of hy op enige manier politieke voordeel daaruit getrek het.
Die omstrede sakeman, Liebenberg, staan tereg op aanklagte van bedrog, diefstal en geldwassery.
Comments