Madlanga-kommissie: Good-party vra vir 'n permanente tribunaal

Die Good-party se Kaapstadse burgemeesterskandidaat, Brett Herron, wil hê die Madlanga-kommissie moet in ’n permanente polisie-integriteitstribunaal omskep word.

Hy sê die tribunaal kan korrupte amptenare help uitwis en beweerde samewerking tussen polisie en bendes ondersoek.

Herron wil ook hê die terugtrekking van korrupsie-aanklagte teen ’n voormalige Kaapstadse burgemeesterskomiteelid, die stad se konstruksiemafia en ander beweerde ongerymdhede moet ondersoek word.

Hy sê Kaapstad benodig nasionale aandag weens sy gevestigde bende- en moordprobleem.

Brett Herron. FOTO: X