Manamela vra vir sterker samewerking tussen streeksuniversiteite

Die minister van Hoër Onderwys en Opleiding, Buti Manamela, doen ‘n beroep op universiteite van die Suider-Afrikaanse Ontwikkelingsgemeenskap (Saog) om samewerking te versterk en kennis te ontwikkel wat nodig is vir streeksindustrialisering.

Manamela sê Suider-Afrika kan nie voortgaan om grondstowwe uit te voer terwyl tegnologie en kundigheid ingevoer word nie. Hy sê universiteite moet studente- en akademiese mobiliteit, kwalifikasie-erkenning en gesamentlike navorsing verbeter.

Manamela stel ook ‘n netwerkgebaseerde Saog Universiteit van Transformasie voor wat fokus op kritieke minerale, voedsel- en watersekerheid, klimaatsveerkragtigheid, energie, openbare gesondheid en digitale tegnologie.

Buti Manamela. FOTO: Facebook