Midde-Ooste: Die VSA loods nuwe aanvalle op Iran

Saamgestel deur Ilde Roos
May 28
1 min read

Die VSA het nuwe aanvalle in die suide van Iran uitgevoer, nadat president Donald Trump vroeër gedreig het om “die werk klaar te maak” as Teheran nie tot ŉ vredesooreenkoms instem nie.

Maroela Media berig volgens Iranse media het drie harde ontploffings Donderdagoggend in die hawestad Bandar Abbas opgeklink. Volgens die sentrale bevelsentrum van die Amerikaanse weermag is vier hommeltuie afgeskiet wat ŉ bedreiging rondom die Straat van Hormoes ingehou het.

Iranse media berig verder die Iranse Revolusionêre Wag het intussen ŉ Amerikaanse basis geteiken as vergelding vir die nuwe aanvalle.

Trump het Woensdag in die Withuis gesê Iran is vasbeslote om ŉ ooreenkoms te sluit, maar dat hulle nie tevrede daarmee nie. ŉ Sleutelfokus van die ooreenkoms is die herstel van volle verkeer in die Straat van Hormuz.