Miljoene rande kan nie by Seta geverifieer word nie

Saamgestel deur Nadia Pieters
Mar 23
1 min read

Byna R640-miljoen in toekennings wat na goeddunke toegeken is by die onderwys- en opleiding autoriteit (Seta) kan nie geverifieer word nie.

Volgens die Ouditeur-generaal kon die fondse, wat bedoel is vir vaardigheidsontwikkelingsprogramme soos beurse, internskappe en werkgeïntegreerde leer, nie bevestig word nie weens ontbrekende rekords.

Die oudit het ook swak interne beheer, foutiewe finansiële verslagdoening en onderbesteding uitgelig, met sommige programme wat slegs 22% van hul begrotings gebruik het.

Die DA se adjunkwoordvoerder oor hoër onderwys en opleiding, Karabo Khakhau, sê hulle is veral bekommerd oor bestuursmislukkings en ’n gebrek aan aanspreeklikheid binne Seta.