Mugabe se saak word weer uitgestel
- Saamgestel deur Ilde Roos
- 3h
- 1 min read
Die Alexandra-landdroshof in Gauteng het die saak teen die seun van die oorlede voormalige Zimbabwiese president en sy medebeskuldigde weer eens uitgestel.
Bellarmine Chatunga Mugabe en Tobias Tamirepi Matonhodze het Dinsdagoggend vlugtig in die hof verskyn op aanklagte van poging tot moord, die rig van ’n vuurwapen en die oortreding van die Immigrasiewet.
Die uitstel is te wyte aan vertragings in die finalisering van ’n pleitooreenkoms. Die landdros het gewaarsku dat geen verdere uitstel toegestaan sal word nie en dat die saak op die volgende hofdatum moet voortgaan.
Die twee sal tot 17 April in aanhouding bly.
Comments