’n Bloemfonteiner word as Woordmeester bekroon
Aug 15
1 min read
’n Bloemfonteiner is as een van Akademia se Woordmeesters vir 2026 bekroon.
Volgens inligting wat deur die hoëronderwysinstelling gedeel is, is Morné van Rooyen een van nege finaliste wat Vrydag op dié instelling se Leriba-kampus in Pretoria aan die finaal deelgeneem het.
Meer as 1 000 mense het vanjaar landwyd vir die kompetisie ingeskryf.
Van Rooyen het die publiekkategorie gewen, terwyl Rian Knoesen die skoolleerderskategorie en Ildamarí Botha die studentekategorie gewen het.
Deelnemers se kennis van onder meer idiome, spelling, woordbetekenis en die fyner nuanses van Afrikaans is tydens die finaal getoets.
Voor die eindronde moes deelnemers vir vyf weke taalwenke bestudeer en weeklikse aanlyn taaltoetse aflê.
Comments