'n Botsing eis vyf op die N1 buite Bloem
- Saamgestel deur Nadia Pieters
- Feb 8
- 1 min read
Updated: Feb 9
Vyf mense is oorlede in ’n noodlottige reg-van-voor-botsing op die N1, sowat 40 kilometer suid van Bloemfontein, naby Tierpoort.
Arrive Alive berig Priority-Care Ambulansdiens en paramedici, saam met die Mangaung Brandweer en Reddingsdienste, is kort ná elfuur Saterdagaand na die toneel ontbied.
Met hul aankoms is bevind dat die insittendes van albei voertuie noodlottige beserings opgedoen het, en hulle is op die toneel dood verklaar.
Die pad is vir ’n tydperk gesluit terwyl nood- en ondersoekspanne hul werk gedoen het.
Die presiese oorsaak van die botsing is nog onbekend en word tans deur die polisie ondersoek.
Motoriste word aangeraai om waaksaam te wees en padveiligheid te alle tye ernstig op te neem.
Comments