’n Eeu-oue dokter sien steeds pasiënte

Saamgestel deur Nadia Pieters
9 hours ago
1 min read

Die Pretoriase keel-, neus- en oorspesialis, John Callaghan, het Woensdag sy 100ste verjaardag gevier en is, sover bekend, die land se oudste praktiserende dokter.

Volgens die Plus 50-tydskrif werk hy steeds vier dae per week by sy spreekkamers. Pasiënte, kollegas en sy persoonlike afrigter, Philip Steyn, het sy verjaardagvieringe bygewoon.

Callaghan oefen twee keer per week en sê sy grootste vreugde is om dankbaar te wees vir die talent wat hy gekry het en om steeds werk te kan doen waarvan hy hou.