’n Jong verdagte is vas vir moord in die VS

’n Jong verdagte is in hegtenis geneem vir die beweerde moord ná ’n argument naby Vrede in die Vrystaat.

Volgens 'n polisieverklaring het die verdagte glo na die slagoffer, Siyabonga Nkosinathi Sibeko, se woning gegaan om hom te konfronteer. ’n Argument het na bewering in ’n fisiese onderonsie ontaard, waartydens albei mans mekaar glo met messe gesteek het.

Sibeko is noodlottig in die nek gesteek, terwyl die verdagte ook beserings aan sy voorkop en regteroor opgedoen het. Hy is na ’n hospitaal geneem vir behandeling en is later ontslaan.

Die motief vir die voorval is in hierdie stadium onbekend, en polisie-ondersoeke duur voort.

Die verdagte sal na verwagting binnekort in die Vrede landdroshof op ’n aanklag van moord verskyn.

Ter illustrasie. FOTO: The Cable